2020年11月1號SingingSoul Academy嘅開幕典禮終於順利舉行🎊🎉
喺呢度想多謝黎左嘅親戚朋友，中學同學，大學同學，一班學生同工作人員☺️
今次開幕典禮分開咗上下兩個部份，上半部份見番好多熟悉嘅面孔，好多幾年冇見嘅朋友都係出席支持，真心好感動🥺
好開心見番佢哋，亦都好開心可以利用呢一個機會同場合間接令佢哋重聚，印象中我好似從來未試過係一班熟悉嘅人面前演講，嗰種感覺有啲奇妙，有啲緊張，有啲興奮，又好想繼續講落去......總之一言難盡，係緣份令我哋可以重聚🥰
-
下半部份係重頭戲，今次係第一次我哋邀請咗差唔多所有嘅現任學生嚟參加我哋嘅典禮，本身我都冇諗太多，點知琴日嘅入場人數係多到有好多學生要企左喺近門口嘅走廊出邊，一來真係非常之唔好意思，二來又覺得好感動，感動嘅係唔單止因為我哋嘅學生人數眾多，更加因為我哋有咁多嘅學生都有出席一個典禮，令我不禁回想起三年前係一個60尺左右嘅地方開始教唱歌，去到一年前我哋搬咗去600尺大嘅地方，係今時今日我哋再搬去一個1600尺嘅地方，好開心所有嘅學生，朋友，老師，都見證着我哋嘅成長，呢一份感動係我咁大個仔都未試過嘅，真係好感恩🥺😭
-
今次開幕禮可以咁順暢地完成到，真係有賴一班朝夕相處嘅老師，工作人員，同埋出席嘅所有朋友，冇咗是但一個，今次嘅開幕禮都係唔完美嘅。喺呢度想特別多謝一啲人😘
@pyparis 知道你一直以來都好盡心盡力地幫公司做好多嘢，大家見到嘅所有網站， Instagram，甚至YouTube嘅縮圖，都係佢整嘅，每一次佢都係幕後默默地付出，大家雖然見唔到佢好光鮮咁樣喺幕前教大家唱歌，但係一直以來佢都幫咗我好多，如果冇佢嘅話，今時今日嘅SingingSoul Academy好可能仲係一個60尺嘅地方。
-
@ar_gau 一個好神奇嘅人，出現係我生命入邊，呢個第一次係job interview同我講粗口，仲要叫我唔好做呢份工嘅上司，點都估唔到呢個人會係最幫你嘅，點都估唔到佢會係你生命入邊擔當着一個咁重要嘅角色。
-
老師方面，我諗我要開一個新嘅post再同大家講🤣🥰
-
@oscartong1111
@namusic35
@ec_edwardchan
@claudia.koh
@y.siuiuiuiu
@szekin_music
@emma_n_fds
之後請繼續多多指教❤️🙇🏻♂️
Search